分享

#314。Pe̍h-thâu-mo͘

“Bô ji̍t m̄-chai tàu, bô chhiu m̄-chai lāu.”
Ba̍k chi̍t nih, chi̍t nî í-keng kòe chi̍t pòaⁿ
Thâu chi̍t oa̍t, nî-hòe í-keng óa sì-cha̍p.
Loah thâu-mo͘, hoat-hiān chi̍t ki pe̍h-gîn-sek ê thâu-mo͘, piàⁿ mê kang, khùi-la̍t ài saⁿ-kang chiah pó͘ ē tńg-lâi, kiam-sì bô siàu-liân--ah. Lâng ê it-seng chiâⁿ tn̂g mā bô kài tn̂g, tû-liáu hó-hó-á chò khang-khòe, hó-hó-á chiàu-kò͘ ka-kī kap chhù-lāi-lâng, mā ē mn̄g ka-kī ē-tàng ūi siā-hōe chò siáⁿ-mih. Oa̍t-sin ê sî-chūn hi-bāng bô ûi-hām.
A-pó, sui-bóng pe̍h-thâu-mo͘ sī lâng chèng-siông ê kòe-têng, m̄-koh ta̍k pái nā khòaⁿ-tio̍h lí ê pe̍h-thâu-mo͘, góa iā-sī ē kám-kak chiok m̄-kam, A-pó, góa siūⁿ lí eng-kai mā ē m̄-kam góa. A-pó, chhiáⁿ lí hòng-sim, góa ê pe̍h-thâu-mo͘ mā-sī chèng-siông ê, m̄-sī in-ūi siuⁿ siūⁿ lí, lí mài hoân-ló.
Góa mā sī ná khòaⁿ tiān-iáⁿ ná kap lí thó-lūn, ná kap lí chò-hóe chhiò, góa chai-iáⁿ tó chi̍t chhut lán ē kah-ì. Tán lán koh kìⁿ-bīn, góa mā-sī ē kheh tī lí ê sin-khu piⁿ, kā í-á chhiâu hō͘ hó, chē hō͘ sù-sī, chò-hóe khòaⁿ chi̍t chhut hó tiān-iáⁿ.
#POJ  #白話字  #台文 
分類:生活

但教心似金鈿堅,天上人間會相見。

評論
上一篇
  • #313。Lê-bóng peng-kak
  • 下一篇
  • 更多文章
    載入中... 沒有更多了