分享

#317。《Schindler ê miâ-toaⁿ》

" Chit hūn miâ-toaⁿ tō sī chì-siān, chit hūn miâ-toaⁿ tō sī sèⁿ-miā, miâ-toaⁿ chi gōa sī bān-tn̄g-chhim-kheⁿ."-《Schindler ê miâ-toaⁿ》
Siōng-khò sî, ū chi̍t chiong ē kóng tio̍h " khoân-ui" tùi lâng ê éng-hióng. Phó͘-piàn lâi kóng, lâng ē siūⁿ kóng ka-kī ē sái kū-choa̍t bô ha̍p-lí ê bēng-lēng, m̄-koh tī chi̍t ê sè-kài chiâⁿ ū miâ ê si̍t-giām " Stanford si̍t-giām" lāi-té, hō͘ sè-kan-lâng khòaⁿ-tio̍h, put-lūn lí goân-lâi sī án-chóaⁿ ê lâng, tng lí hō͘ tióng-koaⁿ hun-hù jīm-hô chek-jīm, tōa-pō͘-hūn ê lâng lóng ē chiàu chò, iû-kî nā sī bô chiàu chò, chhù lāi tōa sè ê sèⁿ-miā lóng ē ū hûi-hiám.
Ta̍k-pái siōng tio̍h chit chiong, góa tō ē pàng chit chhut tiān-iáⁿ hō͘ ha̍k-seng khòaⁿ, m̄-bián siōng-khò, gín-á siōng hoaⁿ-hí, koh ē-tàng thàu-kòe iáⁿ-phìⁿ hō͘ siàu-liân-lâng chai-iáⁿ, sui-bóng tī hiah-nī kiaⁿ-hiâⁿ ê nî-tāi, mā sī ū lâng kiâⁿ chi̍t tiâu chiâⁿ bô kán-tan ê chèng-gī-lō͘.
「這份名單就是至善,這份名單就是性命,名單之外是萬丈深坑。」-《Schindler的名單》
上課時,有一章會講著「權威」,對人的影響。普遍來講,人會想講家己會使拒絕無合理的命令,毋過佇一个世界誠有名的實驗「Stanford 實驗」內底,予世間人看著,不論你原來是按怎的人,當你予長官吩咐任何責任,大部份的人攏會照做,尤其若是無照做,厝內大細的性命攏會有危險。
逐擺上著這章,我就會放這齣電影予學生看,毋免上課,囡仔上歡喜,閣會當透過影片予少年人知影,雖罔佇遐爾驚惶的年代,嘛是有人行一條無簡單的正義路。
#POJ  #白話字  #台文 
分類:生活

但教心似金鈿堅,天上人間會相見。

評論
上一篇
  • 下一篇
  • 更多文章
    載入中... 沒有更多了