分享

#337。Tng hong leh chhoe

“ Tng góa leh chia̍h-mī ê sî-chūn.”
Chit pún sī gún chiâⁿ ài ê ōe-pún chi-it.

Tng góa leh chia̍h-mī ê sî-chūn, keh-piah ê niau-bî leh hah-hì.
Tng keh-piah ê niau-bî leh hah-hì ê sî-chūn, keh-piah ê A-iu leh giú bai-ó͘-lín.
Tng keh-piah ê A-iu leh giú bai-ó͘-lín ê sî-chūn, keh-piah chng ê cha-bó͘-gín-á leh khà-nn̄g.
Tng keh-piah chng ê cha-bó͘-gín-á leh khà-nn̄g ê sî-chūn, keh-piah kok-ka ê gín-á-hiaⁿ leh khiâ kha-tah-chhia.
Tng keh-piah kok-ka ê gín-á-hiaⁿ leh khiâ kha-tah-chhia ê sî-chūn, koh keh-piah hit-ê kok-ka ê cha-bó͘-gín-á leh chhiūⁿ-chúi.
Tng koh keh-piah hit-ê kok-ka ê cha-bó͘-gín-á leh chhiūⁿ-chúi ê sî-chūn, koh khah hn̄g hit-ê kok-ka ū chi̍t-ê cha-po͘-gín-á tó--lo̍h-khì.

Tng hong leh chhoe.

Tng gún chū-iû ê sî-chūn, ài ē-kì--tit sī chiâⁿ chē siăn-pái ê hi-seng chiah ē-tàng tit-tio̍h—ê.
Tng gún pêng-an ê sî-chūn, ài ē-kì--tit sī chiâⁿ chē tiâu-kiāⁿ kū-pī chiah ē-tàng ta̍t-sêng--ê.
POJ 白話字 台文
#POJ  #白話字  #台文 
分類:生活

但教心似金鈿堅,天上人間會相見。

評論
上一篇
  • 下一篇
  • #339。Tàu-tīn kiâⁿ
  • 更多文章
    載入中... 沒有更多了