分享

哎~ 人生好痛苦好痛苦...

哎~ 人生好痛苦好痛苦... 我最想最想的係有朝一日有番份好工然後光榮見番以前的老師,依個係我的夢想。每次自己而家一路學習緊新野一路adapted to依個冷漠的社會,我都知我一路都番唔去.. 點解上天要咁玩我呢? 嫌我磨練都唔夠,貴人幫助我的人唔多,卻好多波折.. 偏偏對善良的人就咁吧.. 我見侵犯我的人呀,都活得好好地.. 世界就係咁,運轉就係咁.. 一切皆是命。離愁別緒.. 其實我估唔到走咗之後D人變晒,同埋係最信任個個搵計要我走。Anyway, 其實如果繼續待下去,相信都唔會好得去邊.. 我都唔識同D唔斯文、尖酸刻薄、講是講非,個性惡劣的人打交道,我覺得同依D人溝通好煩,又唔識就人,又豬多gee吉。可能我個lv/度行冇咁高,所以我好唔想有太多noise. 我想同D唔強迫人的人做野,同埋唔想對著班香港臭西。今生今世的願望,等下輩子來還。
好想依個社會的人令到我再次開心起來。
人生已經很痛苦,所以弄一些漂亮的東西出來也很開心。係架! 如果單純自己有能力將平平無奇的事物/唔啦能的野拼合埋一齊又幾靚又workable wor, 係令到自己幾開心~ 如果唔計D野賣唔賣得出。賣唔出,D野積積埋埋好多麈又變咗倉底貨又occupy space又賺唔到的話,就唔開心喇~ 同埋變咗覺得自己好廢.. 識識埋埋的野都搵唔到一D錢,其實我自信心好低.. 而家。感覺人地做D野係靚既,又識同social media合作&宣傳等等,自己其實只可以著眼做某一方面的野,再多的野同時做,我係完全冇精力.. 我其實一直都鼻敏感,操勞過之後就成日周不時背痛肩膀痛,搞到時不時成個人其實冇mood思考or感到生活很不舒服.. 我係未老先衰,好彩有老公係度,如果唔係都唔知生活點可以安樂過.. 好感謝他,好關心我,好照顧我,好體貼。我估我一生人中做得最適切的決定係嫁咗比他。他分擔咗我好多事物,我係根本唔識生活的人,他就中意新野。但唔知老咗,會點呢? 我希望我比他早死啦~ 如果唔係我都唔識點一個人生活&打工.. 
其實我真係好羨慕,個D肯為子女而籌備、計劃&安排的家庭。唔似得我屋企,咩都唔講咩都唔傾咩都要我們就晒他們的父母。Anyway, 我都搬咗出去我就少D諗了,只不過今日去聽個移民德國的talk,你係知道香港有大把父母為子女而悉心安排既,花幾多錢都肯讓子女有好的教育呀~ 環境呀~ 等等。捨得為子女而且係愛疼他們既。你會知係兩個唔同的世界嚟~ 你會知係有既,只不過上天安排咗你唔會出生係依D有愛的家庭度。而如果你靠近去睇,你內心會有一把刀刺傷你。正如以前都曾經有人話過咯,我只係一個無啦啦被人當係唔見得光的年青女子,而幸福美滿家庭你係見唔到之ma~ 所有野來講,都係第三世界的人比第一世界的人利用,只是你知不知情而已。而用於感情上,你係會輸既,因為沒有錢賠償比你。我估一般香港人接軌唔到我個種痛苦,因為起碼有各方面的滿足&幸福了~~  
分類:日記

評論
上一篇
  • 下一篇
  • 更多文章
    載入中... 沒有更多了